Íntegro é unha entidade social sen ánimo de lucro fundada no ano 1992 por un grupo de persoas que desexaban unha sociedade máis xusta, e coa finalidade de promover a inclusión social de persoas con diversidade funcional da Costa da Morte.

As nosas instalacións atópanse en Nantón, unha parroquia situada no municipio de Cabana de Bergantiños.

A nosa traxectoria

Desde as súas orixes, hai máis de tres décadas, a asociación Íntegro é pioneira en implementar novas actividades e programas para a inclusión social das persoas con diversidade funcional en toda a Costa da Morte.

Indaguemos un pouco máis na nosa historia…..

1991: Colaboramos na primeira “Xornada de Minusválidos” organizada pola Asociación Cultural Monte Branco do Couto, en Ponteceso.

1992: Constituímos a Asociación coa denominación “Minusválidos de Ponte-Cabana” para traballar na defensa dos dereitos das persoas con diversidade funcional da comarca.

1992: Iniciamos un programa de Campañas de Prevención da Lesión Medular para informar á xuventude da contorna das causas e consecuencias da LM e de como previlas.

1993: Organizamos o 1º desfile  “Ponte Moda”. Un desfile de moda inclusivo para recadar fondos e sufragar as actividades da entidade.

1994: O concello de Cabana cédenos un local para desenvolver a nosa actividade e ademais constituímos o 1º Club de baloncesto adaptado na comarca.

1995: Recibimos o “Premio Bergantiñán do Ano” outorgado polo Padroado Fogar de Bergantiños.

1996: En colaboración con Cogami poñemos en marcha o Proxecto medioambiental ECO EMPREGO para fomentar a reciclaxe de papel, cartón e electrodomésticos na comarca.

Este mesmo ano adquirimos o noso primeiro vehículo grazas á doazón da Fundación Once.

1997: Modificamos o nome da Asociación e pasamos a denominarnos Asociación Íntegro.

Recibimos o premio “Voz do Ano” na categoría de Medio Ambiente.

1999: Adherímosnos á Confederación Galega de Minusválidos (COGAMI).

2001: Construímos o Centro de Recursos Integro en Nantón (Cabana de Bergantiños), nuns terreos cedidos polo Concello de Cabana

2007: Recibimos o “Premio Faro Nerio” pola nosa labor en favor das persoas con discapacidade na Costa da Morte.

2008: Elaboramos o noso primeiro Plan Estratéxico 2008-2012.

2009: A Xunta de Galicia autorízanos á apertura do Centro de Día e do Centro Ocupacional.

2010: Somos declarados Entidade de Utilidade Pública.

2013: Creamos o Centro Especial de Emprego, +PORVIR XESTIÓN SOCIAL para fomentar as oportunidades formativas e laborais entre as persoas con diversidade funcional do rural.

2014: A Deputación da Coruña outórganos o “Premio Concepción Arenal” en recoñecemento á labor realizada pola entidade a favor dos colectivos máis desfavorecidos.

2015: Iniciamos o proxecto Capacita-T para sensibilizar a diferentes colectivos sociais sobre a diversidade funcional e a inclusión social. Ademais creamos un programa para o empoderamento da muller rural especialmente vulnerable e denominámolo Punto de Intervención de Mulleres do Rural (PIMDRural).

2017: Coincidindo co 25 aniversario da entidade o Padroado Fogar de Bergantiños concédenos o “Premio Bergantiñán do Ano” pola labor realizada pola entidade nos últimos 25 anos.

2018: Creamos a liña comercial BICOS DE AMORA para dar a coñecer os produtos elaborados polas persoas usuarias no Centro Ocupacional.

2018-2020: Consolidamos os nosos servizos e conseguimos duplicar o número de persoas atendidas nas nosas instalacións, promovendo a independencia, a autonomía persoal e a igualdade de oportunidades das persoas con diversidade funcional.

2021: Crease o proxecto pioneiro na Costa da Morte, Diversiplas, para tratar de sensibilizar sobre a necesidade de coidar o medio ambiente.

2022: Medalla Emilia Pardo Bazán, en recoñecemento polo traballo realizado con mulleres con discapacidade en favor da inclusión social e da igualdade

2022: 13 º Premios ao Desenvolvemento Rural, promovidos polo Agader, á iniciativa social

2022: Mención honorífica do premio Boas Prácticas promovido pola Deputación da Coruña

2023: Elaborase o Plan estratéxico 2023-2026 contando  coa participación dos grupos de interese da entidade.

JUNTA DIRECTIVA

Os presentamos a los miembros de la junta directiva de Íntegro, un equipo que mezcla experiencia, juventud, implicación, actitud, aptitud, esfuerzo y trabajo que nos permitirá potenciar aún más los valores de la asociación y reforzar los pilares que sustentarán el futuro.

CENTRO DE RECURSOS