post

Íntegro organiza unha viaxe a Asturias aberta a toda a cidadanía

As reservas de praza deberán realizarse a través dun ingreso bancario antes do 11 de maio

Dentro do programa de actividades de ocio e tempo libre, a  asociación Íntegro está a organizar unha viaxe Asturias, prevista para finais do mes de maio, dirixida tanto aos socios/as da entidade como aos seus usuarios/as e familiares e aberta á poboación en xeral.

Durante a viaxe, que se realizará os días 26 e 27 coincidindo coa fin de semana, está previsto visitar a cidade de Oviedo e outras localidades turísticas como Llanes, Covadonga e Cangas de Onís para desfrutar das súas paisaxes e percorrer algúns dos seus principais puntos de interese.

As persoas interesadas en participar na excursión deberán formalizar a súa reserva antes do vindeiro día 11, mediante un ingreso bancario no que ha de figurar como concepto “viaxe a Asturias” e o nome e apelidos de cada participante. O prezo da actividade é 150 € e inclúe desprazamentos e aloxamento en pensión completa. Os números de conta para realizar o abono son:

ABANCA: ES03 2080 0075 0330 4000 2407

LA CAIXA: ES14 2100 5710 8102 0003 6226

CONCEPTO: Viaxe a Asturias + Nome e apelidos participante

Para máis información, os interesados/as poderán poñerse en contacto coa asociación chamando ao 981 734 985, de luns a venres en horario de 9 a 17h.  

Programa

Sábado, 26 de maio

08:00 horas: Saída de Nantón (Cabana) en autobús con parada en Oviedo e viaxe ata o hotel.

Xantar no hotel e posterior visita á localidade de Llanes

Cea e aloxamento

Domingo, 27 de maio

Almorzo no hotel e saída cara Covadonga

Visita á localidade de Cangas de Onís e tempo libre para gozar da súa tradicional feira ao aire libre

Regreso a Nantón (Cabana)