Nunha concorrida asemblea xeral, con máis de sesenta asistentes, a Asociación Íntegro renovou este sábado 6 de xuño a súa xunta directiva. Adolfo López Baña, que seguirá á fronte do equipo dende a presidencia da entidade, agradeceu o traballo realizado polos compañeiros e compañeiras cos que compartiu o último mandato, ao longo do cal se puxeron en marcha numerosos proxectos e actividades.
A continuación presentou ao seu novo grupo de traballo, que reúne experiencia, xuventude, implicación, esforzo, aptitude e actitudes. Adolfo López Baña amosouse convencido de que a nova xunta directiva contribuirá a reforzar os valores de Íntegro e a garantir o futuro da entidade, un labor que, dende o seu punto de vista, debe ser compartido. Nese sentido, o presidente demandou a implicación tamén das familias e dos traballadores e traballadoras.
Queres coñecer aos integrantes da nova directiva?
Bótalle unha ollada á foto.
Arriba, de esquerda a dereita: Mónica Suárez, vicesecretaria; Luís Vázquez; María José Cousillas, que regresa á entidade despois de 23 anos; Anabel Castiñeiras, secretaria, e Ramón Porteiro, vicetesoureiro.
Abaixo, de esquerda a dereita: Ramón Pombo, vicepresidente; Manuel Caramés, David Pombo; Adolfo López, presidente, e Silvestre Couto, tesoureiro.