post

Íntegro acolle a presentación das últimas tecnoloxías para persoas con mobilidade reducida

Este venres teremos unha visita moi especial en Íntegro. Responsables da empresa valenciana Rodem achegaranse ata as nosas instalacións para presentar as últimas novidades en handbikes e accesorios stricker, tecnoloxía de vangarda para facer máis accesible e cómodo o desprazamento de persoas con mobilidade reducida. Esta firma valenciana tamén está a traballar no deseño de produtos revolucionarios que permiten aos usuari@s de cadeira de rodas moverse por calquera terreo sen dificultade.

rodemsalud3 rodemsalud2

Durante a visita, que terá lugar de 10:30 a 13:00 horas, os representantes de Rodem realizarán unha demostración, aberta ao público, ofrecendo a posibilidade de probar algúns dos aparatos máis sofisticados. Dende a asociación queremos convidar e animar a todas as persoas que o desexen a acudir ata o noso centro para participar nesta interesante xornada na que, sen dúbida, descubriremos parte da tecnoloxía máis avanzada que existe no mercado actual para facer máis sinxelo o día a día a quen sofre problemas de mobilidade. Para máis información sobre os nosos convidados só tes que premer en www.rodem.es