O vindeiro sábado 6 de xuño a Asociación Íntegro celebrará a súa xa tradicional Festa do Socio. O evento, que dará comezo unha vez rematadas as asembleas anuais previstas para ese día, consistirá na celebración dun xantar popular ao que poderán asistir todas as persoas que o desexen.  Como vén sendo habitual, esta actividade levarase a cabo nas instalacións do centro de recursos, en A Pedra, nº 30, Nantón (Cabana de Bergantiños).

Por falta de espazo, as prazas serán limitadas, polo que dende a organización pídese aos interesados que realicen as súas inscricións antes do vindeiro mércores 3 de xuño. O prezo das entradas será de 10€ agás para os socios/as, para os que serán de balde.

Para máis información poden poñerse en contacto connosco chamando ao 981 734 985 ou achegándose ata o centro en horario de 09:00 h a 17:00, de luns a venres.