Dende Íntegro queremos agradecer á Asociación de Empresarios de Baio a súa amable invitación para participar na feira de artesanía “Baio ten a pelota”, que se celebrou esta fin de semana polas rúas da localidade.
Foi para nós un pracer poder compartir estes días rodeados de tantos amig@s e veciñ@s que se achegaron ata o noso stand para coñecer o traballo desenvolvido polos usuarios e usuarias do centro, os que tamén nos visitaron acompañados dos seus familiares.
Sen dúbida, o bo tempo contribuíu a que houbese maior afluencia de visitantes e algunha que outra compra solidaria. Aquí queda unha pequena escolma dos mellores momentos. Grazas a tod@s!
