post

Éxito de participación nos I Xogos Populares de Íntegro

O pavillón municipal de Baio (Zas) acolleu a primeira edición dunha competición lúdico-deportiva que logrou reunir a representantes de diferentes asociacións da provincia

O polideportivo de Baio (Zas) foi o escenario elixido pola asociación Íntegro para celebrar os seus I Xogos Populares, un evento lúdico-deportivo que logrou reunir no día de onte a representantes de diferentes entidades sociais da provincia nunha xornada que mesturou deporte, diversión e convivencia coa posta en valor dos xogos tradicionais.

A primeira edición desta competición deportiva non puido empezar con mellor pé. Integrantes das asociacións Ambar, Adisbismur, Misela, A Creba Saúde Mental e Avante estiveron presentes nesta primeira convocatoria, que pretende consolidarse co paso do tempo ata converterse nun punto de encontro anual e nun referente en toda a Costa da Morte.

 

As actividades deron comezo ás 11.30 horas con dous grandes clásicos: o “xogo do pano” e os “aros”. Media hora máis tarde, os que puxeron a proba a súa habilidade e destreza, divididos en varias quendas, foron os/as participantes da “carreira de sacos” e do “xogo das chapas”. En ambos casos, os gañadores de cada ronda tiveron que enfrontarse nunha final que resultou do máis emocionante cuns marcadores moi axustados ata o último momento. O mesmo aconteceu coa modalidade de “salto á corda” e a “mariola”, que deu paso á entrega de premios por parte do presidente de Íntegro Adolfo López Baña e a directora do Centro de Recursos, Noelia Barreira. Así mesmo, un grupo de usuarios/as de Íntegro tamén fixo entrega dalgúns galardóns aos vencedores, que consistiron en medallas e recordatorios personalizados e elaborados de maneira artesanal no centro de Nantón.

 

 

 

 

 

Ao longo da mañá tamén houbo tempo para divertirse bailando ao ritmo da música e practicando outras modalidades deportivas como o zumba, no que os nosos usuarios/as son uns auténticos expertos/as. Finalmente, a xornada rematou cun xantar, ao que asistiron todos os/as participantes, e co desexo de volver a vernos moi pronto nos II Xogos Populares. Grazas a todos7as por participar e…..ata a próxima!

post

A vindeira semana Íntegro participará en diversos programas lúdicos e deportivos

Chegou o verán e, con el, o tempo de vacacións e descanso para moit@s pero non para os usuarios e as usuarias de Íntegro, que nos vindeiros días van ter un calendario moi intenso, repleto de actividades. Iso si! Serán eventos de carácter lúdico e deportivo coa finalidade de gozar do bo tempo, ao aire libre, e na compañía de amig@s e compañeiros de outras entidades.

A primeira cita terá lugar no municipio de Serra de Outes o vindeiro mércores, día 15, para celebrar un torneo de baloncesto entre diversas entidades sociais da provincia de A Coruña. Esta iniciativa consiste na realización dunha xornada deportiva, organizada pola Asociación Adisbismur, coa finalidade de gozar do deporte como unha actividade beneficiosa para a saúde, tanto física coma psicolóxica. Tradicionalmente soen participar numerosas agrupacións, polo que a competición vai a estar moi rifada. Desexámoslles moita sorte aos nos@s deportistas!

A segunda actividade é un pouco máis tranquila e relaxada, xa que se trata dun paseo en barco pola costa de Camariñas previsto para o vindeiro venres. Dentro do proxecto Gavea, promovido por Cogami, un total de 16 persoas poderán desfrutar dunha das paisaxes máis fermosas da Costa da Morte a bordo da embarcación Laión. Boa viaxe a tod@s!

vela en camariñas                          vela en camariñas 1

Finalmente, o sábado, día 18, terá lugar unha nova edición de Pescadubra, unha actividade de pesca adaptada levada a cabo pola Asociación Avante. A partires das 10:00, os nos@s usuarios e usuarias comezarán unha xornada frenética á beira do río, no municipio de Val do Dubra, na procura dalgunha troita ou algún outro peixe de maior calibre. Ao mediodía haberá un xantar para @s participantes e, pola tarde, seguro que música e baile como en anos anteriores. Xa vedes que contentos acabaron a edición pasada.

Boa pesca e bo proveito!

pescadubra                       pescadubra1

 

post

Reivindicamos a inclusión das persoas con diversidade funcional cunha marcha polas rúas de Malpica

Malia a ameaza constante da choiva, a marcha reivindicativa pola inclusión das persoas con diversidade funcional (discapacidade) puido discorrer polas rúas de Malpica sen contratempos. Seis asociacións da provincia (Ambar, Adisbismur, A Creba, A Misela e Avante Val do Dubra, ademais da anfitrioa, Íntegro) participaron nun percorrido que arrincou pouco antes do mediodía do Centro Cívico e rematou pasada a unha da tarde xunto á Casa do Pescador. Á fronte da manifestación estiveron un grupo de alumnos de 5º e 6º de Primaria do CEIP Milladoiro, que non pararon de berrar durante todo o traxecto consignas coma “Non á discriminación”, “Que no mundo non haxa inclusión, que desilusión” ou “Somos capaces”. A concelleira de Servizos Sociais, Marisol Blanco Gorín, participou en todo o percorrido, ao que tamén se sumaron xa no centro da vila o alcalde, Eduardo Parga Veiga, e os concelleiros Miguel Fernández e Alfredo Cañizo.SAMSUNG CAMERA PICTURES

Os participantes na marcha saíron do Centro Cívico pola rúa principal ata a Casa do Pescador, onde realizaron unha pequena parada antes de continuar cara o centro cívico e a zona do Caldeirón para regresar ao mesmo lugar. “O mundo é máis bonito se non hai prexuízos”, leron os alumnos do CEIP Milladoiro no seu escrito de adhesión, no qu pediron “por un mundo máis unido, por un mundo onde vivamos todos xuntos, por un mundo onde non haxa discriminacións”.

SAMSUNG CAMERA PICTURESSAMSUNG CAMERA PICTURESSAMSUNG CAMERA PICTURES

A continuación foi a quenda das asociacións participantes, cada unha das cales leu tamén o seu manifesto. Catarina, de Íntegro, quen avogou por “un cambio de mentalidade” a favor da inclusión dende a escola, “por iso é prioritario desenvolver un sistema educativo en inclusión, onde todos os nenos e nenas con diversidade funcional poidan educarse en colexios ordinarios contando cos apoios necesarios para cada situación”. Íntegro considera imprescindible fomentar valores coma “a socialización, a convivencia, a tolerancia e o coñecemento da realidade de todos os nenos e nenas”.

SAMSUNG CAMERA PICTURES

Despois dunha colorida solta de globos, os participantes neste Día da Inclusión celebraron un xantar de confraternidade en Canido e pasaron a tarde entre xogos e actuacións.