post

clubEmprego, o novo espazo de encontro para a inserción laboral da muller

Trátase dunha acción formativa englobada no PIMD Rural que botará a andar o 1 de abril en Íntegro e nos concellos de Malpica, Laxe, Cabana e Ponteceso

As interesadas poderán inscribirse a partir de mañá no Centro de Recursos de Nantón, coincidindo co Día da Muller

Mañá conmemórase o Día da Muller e en Íntegro queremos celebralo dándolle, unha vez máis, todo o protagonismo a elas. Por iso, o día 8 poñemos en marcha unha nova acción formativa dentro do Punto de Intervención para Mulleres con Diversidade Funcional no ámbito Rural (PIMD Rural) que consistirá na creación dun clubEmprego, o novo espazo de encontro para a inserción laboral da muller.

CARTEL PIMD XERALEsta novidosa experiencia está dirixida a mulleres, preferentemente con disCapacidade e residentes nalgúns dos 4 concellos adheridos ao plan (Cabana, Malpica, Laxe e Ponteceso), activas e con ganas de incorporarse ao mercado de traballo. Tamén poderán anotarse aquelas que, sen cumprir estes requisitos, estean interesadas en participar.

_MG_3993

O clubEmprego posibilitará a busca de emprego en grupo e a prestación de asesoramento individual e grupal para dotar de ferramentas útiles e necesarias a un dos colectivos en maior situación de vulnerabilidade social. Para elo, en cada sesión haberá grupos reducidos de traballo aos que se lles facilitará apoio formativo individualizado relacionado con Tic´s, trámites administrativos ou empoderamento, así como accións grupais dirixidas á realización de  procuras dixitais, entrega de currículos, rastrexos a pé de rúa, creación de bolsas de emprego ou intermediación laboral con empresas, entre outras. Ademais, faranse prospeccións de mercado periódicas para coñecer, a curto e medio prazo, as necesidades de mercado da zona e adecuar a formación das alumnas ás mesmas.

Así mesmo, en caso que a demanda o requirise, tamén se poría en marcha un clubEmprendemento para mulleres emprendedoras, interesadas no autoemprego, coa finalidade de poñer ao seu alcance as medidas, coñecementos e axudas necesarias para crear o seu propio negocio ou empresa.     _mg_0981

Para garantir o éxito e a viabilidade das novas accións traballaremos cóbado con cóbado cos departamentos de orientación laboral e desenvolvemento local ademais de continuar colaborando cos servizos sociais dos municipios implicados.

Inscricións

Os encontros levaranse a cabo na sede que a asociación Íntegro ten en Nantón e nos concellos que forman parte do programa PIMD Rural, co-financiado pola Secretaría Xeral de Igualdade da Xunta e o Fondo Social Europeo (FSE).
Pimd malpicaO prazo de inscrición para formar parte do noso clubEmprego abrirase mañá no Centro de Recursos de Nantón coincidindo co Día da Muller. Se estás interesada en participar ou desexas recibir información, non dubides en chamar ao 981 734 985 e contarémosche todo o que precises saber. Os primeiros encontros ceebraranse o 1 de abril en Íntegro e nos concellos de Malpica, Laxe, Ponteceso e Cabana. Anímate e participa!

post

Íntegro reforma o seu PIMD Rural coa incorporación da traballadora social da asociación e a apertura de novas canles de inserción laboral

  • A secretaria xeral de Igualdade da Xunta, que visitou hoxe as instalacións de Nantón, destacou a importancia de traballar na mellora das capacidades das mulleres usuarias
  • Representantes dos concellos de Cabana, Ponteceso, Laxe e Malpica asinaron un novo convenio de colaboración para o desenvolvemento do programa

Coa experiencia acumulada no período 2015-2016, Íntegro inicia o 2017 co firme propósito de reforzar o seu Punto de Intervención para Mulleres con Diversidade Funcional no Ámbito Rural (PIMD Rural). A incorporación da traballadora social da asociación ao equipo de profesionais que xestionan o proxecto é un primeiro paso, pero este ano pretendemos centrarnos moi especialmente no ámbito laboral, e nese sentido está previsto iniciar contactos cos axentes de emprego e intermediadores laborais dos catro concellos implicados.

_MG_3976

Acto de presentación do PIMD Rural 2016-2017

Cabana, Malpica, Ponteceso e Laxe, de feito, renovaron hoxe o seu compromiso con Íntegro e co PIMD Rural, nun acto ao que tamén asistiu a secretaria xeral de Igualdade da Xunta de Galicia, Susana López Abella, e que se celebrou hoxe pola mañá no Centro de Recursos de Nantón. A secretaria xeral louvou o traballo que está a facer Íntegro pola inclusión da muller rural, destacou a importancia de traballar “na mellora das capacidades” para facilitar a súa inserción laboral e pediu unha atención especial para as mulleres vítimas de violencia de xénero.

IMG_6012

Susana López visitou os obradoiros ocupacionais en compañía dos responsables municipais

O PIMD Rural está cofinanciado pola Xunta de Galicia e o Fondo Social Europeo. No primeiro ciclo permitiu atender a 108 mulleres dos catro concellos, prioritariamente con disCapacidade, que se beneficiaron dos diferentes servizos que presta o equipo de profesionais responsable do programa. Neste primeiro bienio incidiuse na formación como unha ferramenta imprescindible para a mellora laboral das mulleres, e, de feito, o ano pasado xa se acadaron seis insercións laborais, e esta mesma semana empezarán a traballar outras tres usuarias en prácticas. Íntegro está en contacto con varias empresas da zona, e agora quere implicar aos servizos municipais relacionados co emprego para poder seguir avanzando.

Os catro concellos bergantiñáns amosáronse satisfeitos cos resultados acadados.

_MG_3998

Usuarios/as de Íntegro elaboraron xabóns de glicerina personalizados para a ocasión

                                                                              

 

post

A Secretaria Xeral de Igualdade visita Íntegro para asistir á presentación do PIMD Rural 2016-2017

Susana López acudirá o vindeiro luns á firma dos novos convenios de colaboración coas entidades locais  

A Secretaria Xeral de Igualdade da Xunta de Galicia, Susana López Abella, visitará o vindeiro luns o Centro de Recursos de Íntegro para asistir, xunto aos alcaldes e representantes dos concellos de Cabana,  Ponteceso, Malpica e Laxe, á presentación do novo Punto de Intervención para Mulleres con Diversidade Funcional no ámbito Rural (PIMD Rural) 2016-2017, co-financiado polo ente autonómico e o Fondo Social Europeo (FSE). Ao remate, realizarase un percorrido polas instalacións para coñecer de primeira man os diferentes obradoiros ocupacionais.

IMG_20160308_121417

Sinatura do primeiro convenio de colaboración cos 4 concellos participantes

O acto dará comezo ás 12h coa exposición do balance relativo ao período 2015-2016, no que se analizarán polo miúdo os resultados obtidos durante o primeiro ciclo do PIMD Rural, no que 108 mulleres- prioritariamente con disCapacidade- se beneficiaron das accións formativas levadas a cabo nos catro municipios adheridos ao plan coa finalidade de erradicar a discriminación e a desigualdade de oportunidades mediante o desenvolvemento de actividades que facilitan o empoderamento das mulleres e reforzan o seu papel no ámbito rural. Ademais, daranse a coñecer outros datos de interese relacionados coa formación, o emprego e o número de intervencións realizadas.

A continuación, procederase á firma dos novos convenios de colaboración do PIMD Rural 2016-2017 coas entidades locais. Na grafico-todossinatura estarán presentes alcaldes e representantes dos municipios de Malpica, Laxe, Ponteceso e Cabana, que renovan así o seu compromiso cun dos colectivos sociais máis desfavorecidos.

Coa posta en marcha desta segunda etapa, que terá unha duración dun ano, reforzaranse os puntos de intervención municipais posibilitando traballar, man a man, cos servicios sociais de base, axentes de emprego e orientadores laborais co obxectivo de dar continuidade á labor de inclusión laboral e social das mulleres do rural, especialmente das que están en situación de vulnerabilidade e centrándonos nas máis desfavorecidas, como son as que teñen algún tipo de diversidade funcional.

IMG-20160308-WA0016

A xornada rematará cunha visita de todos os asistentes polas instalacións de Nantón que estará protagonizada polos nosos usuarios e usuarias xa que serán os encargados/as de dar a coñecer o traballo que desempeñan día a día tanto nos obradoiros do Centro de Día como do Centro Ocupacional.

post

A asociación Íntegro aposta pola renovación dos convenios de colaboración cos concellos bergantiñáns adheridos ao PIMD Rural

108 mulleres do rural, na súa maioría con diversidade funcional, beneficiáronse deste programa dende xaneiro de 2015  

Nas vindeiras semanas a asociación Íntegro retomará a actividade do Punto de Intervención para Mulleres con Diversidade Funcional no ámbito rural (PIMD Rural). Para elo, procederase a contactar cos concellos xa adheridos a este programa dirixido a mulleres, maioritariamente con disCapacidade, que está cofinanciado pola Secretaría Xeral de Igualdade da Xunta de Galicia e o Fondo Social Europeo (FSE), e deseñado e executado pola entidade ata o pasado día 30 de setembro. O primeiro paso para a posta en marcha da segunda edición pasará pola renovación dos convenios de colaboración cos municipios de Malpica, Laxe, Cabana e Ponteceso, que xa forman parte do mesmo dende comezos de ano.

Grazas á implicación e ao compromiso institucional, o PIMD Rural experimentou un notable crecemento na comarca de Bergantiños chegando a consolidarse como o principal grafico-3servizo de atención e intervención para un dos colectivos máis vulnerables da sociedade. Dende que botou a andar en xaneiro de 2015, 108 mulleres beneficiáronse das diferentes accións formativas levadas a cabo para erradicar a discriminación e a desigualdade de oportunidades mediante o desenvolvemento de actividades que facilitan o seu empoderamento e reforzan o seu papel no ámbito rural ata acadar unha situación de normalidade. Neste sentido, os resultados non poden ser mellores! O 69% das usuarias lograron mellorar a súa situación persoal e/ou laboral mentres que un 18% acadou a súa plena integración en materia de educación e formación e o 7% conseguiu a obtención dalgunha cualificación. Ademais, o 6% das participantes acadou o seu primeiro emprego mellorando así a súa calidade de vida.

 Balance

grafico-1Por outra parte, os servizos de orientación, formación e a busca de emprego foron os máis solicitados polas beneficiarias do PIMD Rural acadando un nivel de participación do 81%. Así, o 36% das mulleres fixo uso do programa de orientación e información individual en materia de diversidade, e un 23% decantouse pola adquisición de competencias e habilidades profesionais. Outra das accións con gran aceptación entre as usuarias foron as encamiñadas á orientación laboral e acompañamento na procura de emprego, demandadas no 22% dos casos. A asistencia psicolóxica (11%) e a mediación familiar (8%) pechan a listaxe de prestacións ofrecidas dende os diferentes puntos de intervención, situados nas concellerías de servizos sociais e no Centro de Recursos de Nantón.

grafico-2

A adhesión de catro concellos bergantiñáns ao PIMD Rural, a primeiros de ano,  posibilitou o achegamento de novos recursos a mulleres con diversidade funcional da zona rural. De feito, Ponteceso e Malpica son os municipios nos que se rexistran un maior nivel de participación, cun 33% e un 27%, respectivamente, seguido de Cabana (16%) e Laxe (14%) fronte ao 5% de Vimianzo ou Zas.

Dada a boa acollida que esta iniciativa está a ter na Costa da Morte e ante a crecente demanda de usuarias procedentes doutras localidades, en Íntegro seguimos traballando para ampliar o ámbito de actuación do PIMD a outros municipios e incrementar así a nosa colaboración cos servizos de proximidade á cidadanía.

Permanecede atentas porque moi pronto estaremos de volta!

grafico-todos

 

 

post

A Copa Galicia de Baloncesto Adaptado reunirá en Ponteceso aos mellores equipos da comunidade

Esta mañá presentouse na sala de plenos do Concello de Ponteceso a Copa Galicia de Baloncesto Adaptado, que se disputará o vindeiro sábado no pavillón municipal pontecesán. Trátase dun evento deportivo organizado pola asociación Íntegro en colaboración coa Federación Galega de Deporte Adaptado (FGDA) e subvencionado pola Consellería de Política Social, a Deputación da Coruña e o Concello de Ponteceso.

2No acto de hoxe estiveron presentes o alcalde da localidade, Lois García Carballido; o presidente de Íntegro, Adolfo López Baña; o vicepresidente, Ramón Pombo; o tesoureiro, Silvestre Couto; o vogal David Pombo, e a directora do Centro de Recursos de Nantón, Noelia Barreira. López Baña destacou a importancia desta celebración “porque permite dar a coñecer ao público o deporte adaptado e a complexidade, esforzo e superación que implica a súa práctica a nivel competición”. Ademais, subliñou a necesidade de que “os nosos mozos e mozas teñan outros referentes nos que mirarse e novos deportistas aos que admirar”. Finalmente, agradeceu a participación de todas as empresas e entidades colaboradoras neste proxecto e animou aos cidadáns a participar activamente na xornada do vindeiro sábado. O rexedor municipal, Lois García, tamén se sumou a este chamamento convidando á cidadanía a apoiar este evento coa súa asistencia.

Programa

A xornada do sábado será unha xornada deportiva de alto nivel deseñada para gozar cos cinco sentidos e meterse ao público no peto. Competición, deporte, diversión e moitas sorpresas serán os protagonistas dun evento co que se pretende dar a coñecer esta modalidade e poñer en valor o deporte inclusivo na sociedade.

O espectáculo e o bo xogo estarán asegurados coa participación de destacados equipos da Liga Gallega de Baloncesto FGDA e da Liga de BSR (Baloncesto en Cadeira de Rodas). A competición dividirase en dúas categorías: cadeira de rodas e competición intelectuais, esta última dirixida a deportistas con discapacidade intelectual que participarán en sección masculina e feminina.

san-xeromeAs primeiras en saltar á cancha serán as xogadoras do San Xerome, que se medirán ante as Esclavas na final da Competición Intelectuais, prevista para as 11h. Ás 12:30 h disputarase o primeiro encontro en cadeira de rodas da xornada entre o Amfiv Más Visión e o Basketmi, que volverán a enfrontarse pola tarde, a partires das 18h. Para as 16:30h está previsto o comezo do partido Aspanaex-San Rafael (categoría masculina). Finalmente, procederase á correspondente entrega de premios.

amfiv-getafe2-348

Pero esta Copa Galicia non só é para ver, tamén é para xogar! A diversión e o entretemento estarán garantidos para os asistentes antes, durante e despois dos partidos coa celebración de diversas actividades nas que poderán participar para poñer a proba a súa destreza sobre unha cadeira de rodas. Xogos de habilidade, tiros libres e mini-partidos para todos e todas coa intención de descubrir a complexidade desta práctica deportiva e pasar un día moi, moi divertido. Esperámosvos!

 

 

post

Clausurado o obradoiro de acondicionamento de exteriores organizado polo Concello de Ponteceso para persoas en risco de exclusión

Hoxe foi clausurado o obradoiro de acondicionamento de exteriores organizado polo Concello de Ponteceso e subvencionado pola Deputación Provincial da Coruña co obxectivo de mellorar a empregabilidade das persoas en risco de exclusión social. Un total de 14 alumnos/as participaron na acción formativa impartida dende o mes de xuño pola empresa de economía social Máis Porvir, participada ao 100 % pola Asociación Íntegro.

No acto de clausura, celebrado na Casa da Cultura de Ponteceso, participaron o alcalde, Lois García Carballido, e a concelleira de Servizos Sociais, Isabel Vuelta, en representación do Concello. Por parte de Máis Porvir asistiron o administrador e a xerente da empresa, Adolfo López Baña e Sandra Caamaño. A acción formativa incluíu módulos de carpintería e xardinería, busca activa de emprego e habilidades sociais. O alumnado recibiu os seus diplomas e rematou a participación no curso compartindo un aperitivo.

O obradoiro de acondicionamento de exteriores non só cumpriu o obxectivo de formar a un grupo de persoas para mellorar as súas posibilidades de inserción laboral en dúas áreas nas que hai demanda de persoal, como son a xardinería e o mantemento de mobiliario urbano, senón que ademais permitiu recuperar espazos verdes e restaurar elementos do mobiliario urbano pontecesán deteriorados polos efectos do vandalismo. “Grazas a estas iniciativas e á colaboración dos concellos conseguiremos que se xere emprego, e polo tanto riqueza, na zona”, destacou o administrador de Máis Porvir. O alcalde de Ponteceso, pola súa banda, reiterou o seu compromiso de implicación para acadar o obxectivo da inserción laboral.

post

Clausurado en Laxe o sétimo curso do PIMD Rural organizado pola Asociación Íntegro

Trátase dun programa formativo financiado pola Secretaría Xeral de Igualdade e o Fondo Social Europeo (FSE)

Hai uns días clausuramos o curso de Artes Manuais levado a cabo no Concello de Laxe dentro do programa do Punto de Intervención para Mulleres con Diversidade (PIMD Rural), financiado pola Secretaría Xeral de Igualdade da Xunta de Galicia e o Fondo Social Europeo (FSE).

CLAUSURA TAPAS E APERITIVOS 1

Dúas alumnas do curso de Cociña de Malpica xa conseguiron traballo

Na entrega de diplomas estiveron presentes cinco das oito mulleres que participaron nesta acción formativa, acompañadas de varios representantes da Asociación Íntegro e dos  responsables do departamento municipal de Servizos Sociais. Esta actividade, realizada o pasado mes de xullo nos locais sociais de Traba e de Laxe, concluíu con gran éxito de participación superando as expectativas previstas. Ademais, ao igual que aconteceu noutros concellos incluídos neste programa formativo, as alumnas- mulleres, prioritariamente, con disCapacidade- amosaron gran interese e implicación durante a súa formación co obxectivo de sentar as bases para a súa posterior inserción laboral. Este foi o caso de dúas usuarias do curso de Tapas e Aperitivos de Malpica que atoparon traballo antes de rematar o obradoiro.

Balance

Dende a posta en marcha do PIMD Rural, implantado en catro concellos da Costa Bergantiñá- Cabana, Malpica, Ponteceso e Laxe-, xa se desenvolveron sete accións destinadas á formación de mulleres con diversidade funcional: 4 no Centro de Recursos de Nantón (Cabana), 2 en Malpica e 1 en Laxe. No mes de setembro terá lugar a oitava no municipio de Ponteceso, para a que xa están cubertas todas as prazas. As especialidades impartidas abarcan diferentes temáticas segundo as preferencias das alumnas: Artes Manuais, Informática e Mecanografía, Redes Sociais e Cociña.

Pero as noticias en torno ao PIMD non rematan aquí! Despois do verán agárdannos importantes novidades orientadas á inserción laboral e á mellora do emprego. Un paso máis que esperemos sexa firme e definitivo na procura da inclusión das persoas con diversidade e, especialmente, dun dos colectivos máis vulnerables: as mulleres.

Bo verán!

IMG-20160622-WA0083CLAUSURA TAPAS E APERITIVOS 2

IMG-20160623-WA0002

IMG-20160711-WA0001

 

 

 

 

 

 

 

post

Íntegro clausurou esta mañá o curso de informática do PIMD Rural

A entidade iniciará en agosto novas accións formativas para mellorar o emprego feminino

Esta mañá en Íntegro clausuramos o curso de Informática para mulleres con disCapacidade enmarcado no programa do Punto de Intervención para Mulleres con Diversidade (PIMD Rural), co-financiado pola Secretaría Xeral de Igualdade da Xunta de Galicia e o Fondo Social Europeo (FSE). Con este acto puxemos o punto e final ás tres primeiras accións formativas desenvolvidas dende o pasado mes de maio no noso Centro de Recursos de Nantón. A finais do mes pasado tamén concluíron os talleres de Cociña: tapas e aperitivos e Artes Manuais: xabóns, pintura e bixutería.

IMG-20160623-WA0002

Clausura do curso de Artes Manuais

Durante dous meses, as alumnas do obradoiro que concluímos hoxe tiveron a oportunidade de adquirir coñecementos básicos de informática e mecanografía ademais de realizar unha primeira toma de contacto coas redes sociais e internet, dúas ferramentas moi útiles na actualidade e polas que amosaron moito interese.

IMG-20160622-WA0078

Curso de Cociña impartido en Íntegro durante os meses de maio e xuño

 

Por outra banda, as que aínda continuarán a súa formación ata finais deste mes son as participantes dos obradoiros de Malpica, Laxe e Ponteceso.

+iniciativas

Pero as actividades do PIMD Rural non fixeron máis que comezar! Este verán preséntase cheo de novidades e de aprendizaxe en Íntegro porque en agosto porase en marcha unha nova iniciativa do PIMD, dirixida tamén a mulleres con disCapacidade, centrada nas posibilidades persoais e profesionais para mellorar a súa empregabilidade.

MULLERPara elo, crearemos un grupo de traballo integrado por un máximo de seis alumnas para facilitar e garantir unha atención individual e personalizada. Entre os principais obxectivos deste obradoiro destacan o estudo da oferta e a demanda de emprego na nosa contorna, a elaboración dun currículo, o desenvolvemento de ideas e posibilidades de emprego, a busca directa e indirecta e o asesoramento en recursos, entre outras materias. No mes de setembro está previsto a súa ampliación aos concellos de Malpica, Cabana, Ponteceso e Laxe.

O prazo de inscrición para a primeira quenda aínda continúa aberto. As persoas interesadas poden poñerse en contacto con nós chamando ao 981 734 985 de luns a venres, en horario de 9 a 17h, ou no noso centro de Nantón (Cabana).

Se es muller e buscas emprego ou tes unha idea de negocio esta é a túa oportunidade. Non a deixes pasar!  

post

Máis Porvir, a empresa de economía social de Íntegro, forma a 15 veciños/as de Ponteceso para mellorar a súa empregabilidade

Máis Porvir, a empresa de economía social participada ao 100 % pola Asociación Íntegro, traballa en colaboración co Concello de Ponteceso e a Deputación Provincial da Coruña para mellorar a empregabilidade das persoas en risco de exclusión social. Con ese obxectivo arrancou hoxe unha acción formativa centrada na xardinería e o mantemento de mobiliario urbano, dúas áreas con posibilidades de inserción laboral. Ese, de feito, é o obxectivo do curso e da actividade de Máis Porvir, tal como explicou o seu administrador, Adolfo López Baña, na presentación da actividade.

IMG_2706Nestes momentos, Máis Porvir, ten un equipo integrado por sete traballadores/as, que centran a súa actividade nas áreas social e de servizos. “Grazas a estas iniciativas e á colaboración dos concellos conseguiremos que se xere emprego, e polo tanto riqueza, na zona”, destacou López Baña.

O curso iniciado hoxe abrangue formación teórica e práctica. Esta última desenvolverase, fundamentalmente, na zona da Praza do Recheo e do Paseo do Anllóns, o que permitirá recuperar as zonas axardinadas e o mobiliario urbano que sofre moitas veces os efectos do vandalismo.

Pero a finalidade última é a formación das persoas participantes para mellorar a súa empregabilidade. O alcalde de Ponteceso, Lois García Carballido, e a concelleira de Servizos Sociais, Isabel Vuelta, animáronos a aproveitar o curso, porque incluirá formación en diversas materias, como seguridade laboral ou deseño de xardíns, e, en xeral, “materias que sexan útiles para o día que vaiades traballar para unha empresa”, destacou o rexedor. García Carballido comprometeu a súa implicación para acadar o obxectivo da inserción laboral.

maisporvir1integro

post

O programa formativo do PIMD Rural para mulleres con disCapacidade chega xa a catro concellos bergantiñáns

O programa formativo do PIMD Rural está implantado xa en catro concellos da comarca de Bergantiños trala inclusión de Laxe, que se suma tamén ás sedes das actividades do Punto de Intervención para Mulleres con Diversidade Funcional, promovido pola Asociación Íntegro coa colaboración do Fondo Social Europeo e a Secretaría Xeral de Igualdade da Xunta de Galicia.

Deste xeito, o Concello de Laxe e Íntegro levarán a cabo do 7 ao 12 deste mes un obradoiro de Artes Manuais. Haberá dúas sedes: o localCURSO-ARTES-MANUAIS-cartel1 social de Traba, onde as sesións formativas levaranse a cabo de 09.30 a 11.00 horas, e o local social de Laxe, onde se celebrarán de 11.30 a 13.00 horas. Esta nova actividade do PIMD está cofinanciada pola Unión Europea dentro do programa de “Subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade”.

As mulleres con disCapacidade terán preferencia, aínda que a iniciativa está aberta a todas as mulleres. As interesadas poden informarse no departamento de Servizos Sociais de Laxe (981 706 903) ou en Íntegro (981 734 985).

cursos pimd pontecesoEn Ponteceso, en colaboración co Departamento de Servizos Sociais, ao longo deste mes e do vindeiro haberá cursos de Redes Sociais e Internet, Informática Básica e Mecanografía, Cociña: tapas e aperitivos, e Artes Manuais. As mulleres interesadas poden informarse e inscribirse no centro de recursos de Íntegro, en horario de 09.00 a 17.00, ou no Departamento de Servizos Sociais de Ponteceso (981 714 000).

IMG_7328

En Íntegro xa están en marcha, con gran éxito de participación, os novos cursos do PIMD Rural

As mesmas especialidades están en marcha xa dende o mes de maio, e continuarán en xuño, no propio entro de recursos de Íntegro, en Nantón (Cabana).

CURSOS MALPICA PIMD RURAL(3)

En Malpica, en colaboración coa Concellería de Servizos Sociais e a Secretaria Xeral de Igualdade, tamén se levarán a cabo dúas accións formativas durante os meses de xuño e xullo. No Centro Cívico terá lugar a partir do 9 de xuño un curso de Tapas e Aperitivos, que se celebrará os xoves de 10.00 a 12.00 horas. Na Casa do Oleiro de Buño haberá clases de Informática os mércores, de 10.00 a 12.00 horas, a partir do 8 de xuño. Como no caso anterior, as prazas son limitadas, e terán preferencia as mulleres con algún tipo de diversidade funcional.  As interesadas poden informarse no centro de recursos de Íntegro (981 734 985) ou no Departamento de Servizos Sociais de Malpica (981 720 280).