post

Máis de 150 persoas participarán mañá na Masterclass Solidaria de Zumba e Pilates

Antes de que dea comezo o evento, previsto para as 11h no pavillón de Cabana, a entidade porá á venda novos convites, no mesmo lugar da celebración, para que ninguén quede sen praza

Xa non queda nada para que dea comezo o gran evento deportivo, de carácter benéfico, promovido pola asociación Íntegro co obxectivo de gozar dunha xornada inclusiva moi “movida” e recadar fondos para a adquisición de vestiario deportivo para os usuarios e usuarias do Centro de Día e do Centro de Recursos. Ata o de agora, máis de 150 persoas de toda a Costa da Morte e outros puntos da provincia teñen confirmada xa, previa inscrición, a súa asistencia á Masterclass Solidaria de Zumba e Pilates, prevista para o sábado 9 no pavillón municipal de Cabana.

Así mesmo, todas as persoas que estean interesadas en asistir mañá ao evento e que aínda non estean anotadas, poderán facelo retirando a súa entrada o mesmo día da celebración na porta de acceso ao polideportivo. A entidade porá á venta entradas suficientes para que ninguén perda a ocasión de pasalo ben gozando dunha experiencia diferente. O prezo dos convites para os adultos será de 5€ mentres que os menores de 14 anos tan só pagarán 2€.

Ao longo da xornada inclusiva, que terá lugar de 11 a 13 horas, realizaranse sesións continuas de zumba e pilates dirixidas a toda a familia coa intención de fomentar estas prácticas deportivas e gozar dun día de convivencia e diversión sen parar de moverse. Por unha banda,  as clases de zumba serán impartidas pola empresa Actívate Lorena Eirís, especializada en actividades de ocio, tempo de lecer e adestramento persoal, mentres que a actividade de pilates correrá a cargo da fisioterapeuta do centro e responsable da Clínica de Fisioterapia Eva Senande. Para maior comodidade dos/as participantes, a esta sesión recoméndase traer unha esterilla e/ou toalla.

Desde a asociación Íntegro queremos agradecer a implicación e o compromiso de todas as persoas e entidades que están a colaborar na organización da Masterclass Solidaria entre as que se atopan o Concello de Cabana, as entidades financieiras de Abanca e LaCaixa, Global Grafic, Supermercados Eroski, RS Motor e a empresa de xestión social MáisPorvir.  Así mesmo, todos/as os/as que desexen realizar novas achegas aínda están a tempo de facelo. Serán recibidas cos brazos abertos. 

Esta acción solidaria non é a primeira que o centro pon en marcha para recadar fondos para mellorar os servizos que presta aos seus usuarios/as e incrementar os recursos dispoñibles ao seu alcance para proporcionarlles unha maior calidade de vida. 

Nos últimos anos, a entidade con sede en Nantón (Cabana), tamén promoveu unha campaña de crowdfunding para financiar a construción dun xardín terapéutico e a elaboración dun calendario solidario co que se obtiveron os fondos necesarios para a compra de material deportivo adaptado ás súas necesidades.

Na actualidade, contamos ademais cun programa de colaboración coa firma Decathlon para o subministro de material deportivo adaptado.  Vémonos mañá. Non faltedes!


post

“ESTE É O COMEZO DE TODO O QUE TI QUEIRAS”

Así reza este ano a foto de familia coa que Íntegro felicita o Nadal 

Din que a Lotaría do Nadal marca o comezo das festas. E nós non queriamos deixar pasar este día sen celebralo con todos/as vós coa tradicional foto de familia para desexarvos que pasedes un bo Nadal en compañía dos vosos familiares e amigos. Pero hoxe as nosas palabras non son só de felicitación senón tamén de agradecemento. Dende Íntegro, tamén queremos darvos as grazas polo voso apoio incondicional e pola confianza depositada en nós. Grazas por acompañarnos en cada acto, por mercar os nosos produtos, por darnos forzas nos momentos difíciles, por crer en cada un dos nosos proxectos e por axudarnos a empuxar sempre cara adiante para facernos máis visibles e loitar por unha sociedade moito máis plural, igualitaria, diversa e inclusiva onde as persoas con diversidade funcional poidan vivir libres, en igualdade de condicións e oportunidades que as demais, establecendo os seus propios límites e superando as barreiras que elas mesmas decidan poñer.

Mercado de Nadal

mercadode-nadalA todos/as os que formamos parte da asociación gustaríanos darvos as grazas persoalmente e trasladarvos os nosos mellores desexos para estas datas tan sinaladas. Por iso, queremos convidarvos a acudir mañá, venres, á celebración do mercado de Nadal que terá lugar no Centro de Recursos de Nantón, de 10 a 14h. Será unha oportunidade única para realizar as vosas compras máis solidarias e visitar as nosas instalacións nunha xornada de portas abertas na que, ademais, poderedes comprobar a orixinal decoración que adorna o centro nestas datas de Nadal.

O mercado solidario estará repleto de produtos artesanais elaborados polos usuarios e usuarias do Centro Ocupacional de Nantón no que non faltarán os tradicionais xabóns de glicerina 100% vexetal da nosa colección Bicos de Amora así como varios artigos doados por outras entidades sociais e particulares que decidiron colaborar con nós na recadación de fondos benéficos para financiar novos programas e servizos para persoas con diversidade funcional da Costa da Morte._mg_2769

Ao longo da mañá, os visitantes poderán pasear polo noso particular escaparate de Nadal para coñecer e mercar algunhas das últimas creacións artísticas confeccionadas en escaiola e pintadas e personalizadas polos alumnos/as do obradoiro de artes manuais. Tamén haberá pezas de bixutería con deseños únicos e moi orixinais que non pasarán desapercibidos.img-20160323-wa0018

A nosa proposta de agasallos para estas datas completarase coa venda de varias obras de arte doadas pola Asociación Participa para La Inclusión Social de A Coruña que, de xeito xeneroso e altruísta, quixo contribuír coa cesión de varios lenzos realizados polos seus usuarios/as. Así mesmo, a escritora coruñesa e autora de La Mirada de Ángel, María Luisa Fernández, tamén aportará o seu gran de solidariedade coa doazón de varios exemplares do seu libro no que  narra as súas propias vivencias, como nai dun fillo con diversidade funcional, para transmitir unha mensaxe de forza e superación.

Dende a asociación animámosvos a participar neste evento ao que tamén convidamos as súas Maxestades de Oriente e o noso queridísimo Apalpador, por se desexan adquirir algún agasallo de última hora e encher de solidariedade as súas sacas para este Nadal.

Se aínda non tes elaborada a túa carta ou queres darte un pequeno capricho está será unha boa oportunidade para facelo porque colaborar cunha boa causa custa moi pouco pero vale moito. Vémonos mañá!

BOAS FESTAS!!!

boas-festas

post

Íntegro lanza a súa propia consigna no Día da Diversidade para avanzar na eliminación de prexuízos do mesmo xeito que na supresión de barreiras físicas

“Avanzouse moito na eliminación de barreiras físicas, pero non se avanzou na eliminación de prexuízos sobre as persoas con discapacidade”. Con esta frase resumiu o presidente de Íntegro, Adolfo López Baña, a mensaxe que a asociación quixo trasladar á sociedade no Día da Diversidade. Neste 3 de decembro Íntegro elixiu o Fórum Carballo como lugar de celebración e como punto de encontro para presentar en sociedade o primeiro calendario da historia da entidade.

Pero o almanaque é moito máis ca iso:

mesa-2En primeiro lugar, porque está protagonizado por usuarios e usuarias de Íntegro e por persoeiros dos mundos da canción, a universidade, a literatura, o xornalismo, a restauración, o deporte… e moitos outros ámbitos que, dunha maneira desinteresada, brindáronse para compartir unha fotografía e unha xornada cos nosos usuarios e usuarias. Para eles foi o primeiro agradecemento, por prestar a súa imaxe “para axudar a visibilizar a outras persoas ás que a día de hoxe aínda nos sigue costando ser visibles en moitos eidos da vida”, sinalou Adolfo López. O presidente de Íntegro tampouco se esqueceu dos fotógrafos e fotógrafas, 11 en total, que tamén dun xeito altruísta, nos agasallaron co seu tempo e o seu traballo e que conseguiron “visionar tan ben o obxectivo deste calendario, que é a inclusión das persoas que funcionan de forma diferente, e que hoxe en día xa non se agochan nas súas casas, senón que estamos dicindo ao mundo: cambia a mirada”.

En segundo lugar, porque coa venda do calendario, que custa só 5 euros, será posible contribuír ao financiamento do servizo de ximnasia terapéutica que ofrece Íntegro no seu centro de Nantón (Cabana de Bergantiños), e que resulta imprescindible para que as persoas con diversidade funcional gocen dunha vida saudable e de calidade.

E, en terceiro lugar, porque grazas ao traballo de moitas persoas e empresas, como a carballesa donCLIC, que se encargou do deseño e a maquetación, ou a tamén carballesa Comunicar, que se ocupou da produción e xestión, a Asociación Íntegro dá un paso máis cara o seu obxectivo de cambiar a mirada da sociedade cara as persoas con diversidade funcional. Hoxe, e grazas a este proxecto, o obxectivo é un pouco máis compartido.

presentacion-1O acto de hoxe encheu o auditorio do Fórum Carballo, ata o que se achegaron tamén a concelleira de Igualdade e Benestar, Maica Ures, que destacou a calidade dos traballos que desenvolven os usuarios e usuarias de Íntegro, e o alcalde, Evencio Ferrero, que reforzou o chamamento da asociación neste Día da Diversidade: “A única diversidade que eu non comparto é a das persoas que non entenden que a diversidade enriquece a sociedade”, manifestou. O acto rematou coa entrega de agasallos de agradecemento e un animado café.

xabon-personalizado

O alcalde de Carballo e a concelleira de Igualdade e Benestar foron agasallados cuns orixinais xabóns de glicerina nos que aparecía gravado o logotipo do concello

Puntos de venta do calendario:

Marcos Monterroso (Lugo), donCLIC (Carballo), Modas Suárez (Carballo), Cafetería Valle-Inclán (Carballo), Fisioterapia Eva Senande (Canduas- Cabana), Floristería Amamber (Cabana), Cavident (Ponte do Porto), Centro de Estética Mónica Coscoñas (Vimianzo), Parafarmacia Horizonte (Baio), Fisioterapia Vértebra (Baio), Lencería Marta (Baio), Papelería A Pesqueira (Ponteceso), Panadería Forno Novo (Malpica), e Restaurante A Mundiña (A Coruña).

persoeiros

Entre os asisetntes estaban algúns dos rostros máis famosos que participaron no calendario benéfico de Íntegro

 

Dende Íntegro queremos dar as grazas a todos/as os participantes pola súa colaboración, amabilidade e xenerosidade, prestando a súa imaxe e/ou traballo en favor dunha causa que, nesta ocasión, reza baixo o lema #porunanoconmenosbarreiras, especialmente,  para as persoas con diversidade funcional.

post

Íntegro celebra o Día Internacional da Diversidade Funcional cunha xornada de portas abertas e a presentación dun calendario benéfico para o 2017

O vindeiro sábado, 3 de decembro, conmemórase o Día Internacional da Diversidade Funcional e na Asociación Íntegro queremos sumarnos a esta celebración cunha serie de actividades para reivindicar a igualdade de oportunidades e dereitos das persoas con diversidade e darlles maior presencia e protagonismo na sociedade porque como sinala o noso presidente, Adolfo López Baña, “a inclusión é unha cuestión de capacidades, non de discapacidades”.

SAMSUNG CAMERA PICTURESOs actos darán comezo o vindeiro venres coa celebración dunha xornada de portas abertas, que terá lugar na sede de Íntegro, dirixida ao persoal técnico dos departamentos de servizos sociais dos diferentes concellos da Costa da Morte así como aos orientadores/as laborais pertencentes á nosa área de influencia. Tamén están convidados a participar os integrantes do equipo de inclusión social para as comarcas de Bergantiños, Soneira e Fisterra, cuxa sede está situada no situada no Punto de Información Xuvenil Casa da Xuventude de Carballo.

O programa de actividades iniciarase ás 12h cunha breve exposición sobre o funcionamento do noso Centro de Día e do Centro Ocupacional para explicar aos asistentes os diferentes programas e servizos que levamos a cabo ao longo do ano. A continuación, celebrase unha charla-coloquio para intercambiar impresións e abrir novas vías de colaboración entre as diferentes administracións e a nosa entidade co fin de poñer en marcha futuros programas de cooperación que potencien a participación social das persoas con diversidade funcional, tanto no eido formativo como na súa inserción no mercado laboral.

img_5082

De seguido, realizarase un percorrido polas instalacións do noso centro de Nantón (Cabana) para amosar os diferentes traballos que realizamos diariamente tanto nos obradoiros ocupacionais como no centro de día (xardinería, artes manuais, Bicos de Amora, etc…). A xornada rematará cunha degustación de petiscos elaborados, integramente, polos nosos usuarios e usuarias.

Calendario 2017

foto-remixO sábado cambiamos de escenario e trasladámonos ao edificio do Forum Carballo para acoller a presentación do calendario benéfico de Íntegro para o 2017. No acto, que dará comezo ás 12h, estarán presentes algúns dos 14 personaxes famosos e os 11 fotógrafos/as, na súa maioría da Costa da Morte,  que se uniron aos nosos usuarios/as para facer realidade a creación deste fermoso proxecto co que pretendemos recadar fondos para financiar o servizo de ximnasia terapéutica do centro, imprescindible para que as persoas con diversidade funcional gocen dunha vida saudable e de calidade.

Actores, presentadores, xornalistas, cociñeiros/as, cantantes, escritoras, científicos, deportistas son tan só algunhas das caras coñecidas que participan de forma solidaria e desinteresada no novo almanaque, que xa está á venta por 5€ nos seguintes locais e establecementos colaboradores:

tarxeta

Marcos Monterroso (Lugo), Donclic (Carballo), Modas Suárez (Carballo), Cafetería Valle Inclán (Carballo), Fisioterapia Eva Senande (Canduas- Cabana), Floristería Amamber (Cabana), Cavident (Ponte do Porto), Restaurante O Ariño (Camariñas), Centro de Estética Mónica Coscoñas (Vimianzo), Parafarmacia Horizonte (Baio), Fisioterapia Vértebra (Baio), Lencería Marta (Baio), Papelería A Pesqueira (Ponteceso), Panadería Forno Novo (Malpica), GastroBar A Ventana (Laxe) e Restaurante A Mundiña (A Coruña).

Dende Íntegro queremos dar as grazas a todos/as os participantes pola súa colaboración, amabilidade e xenerosidade, prestando a súa imaxe e/ou traballo en favor dunha causa que, nesta ocasión, reza baixo o lema #porunanoconmenosbarreiras, especialmente,  para as persoas con diversidade funcional. Así mesmo, convidamos a todas as persoas que o desexen a asistir a este evento para coñecer de preto aos seus protagonistas e descubrir como foi a elaboración do novo calendario benéfico de Íntegro.

post

Íntegro lanza un proxecto de crowdfunding para a creación dun xardín terapéutico adaptado

O proxecto está aberto á participación da cidadanía a través da páxina web da Fundación Develop

Para a Asociación Íntegro, o 2016 está a ser un ano repleto de proxectos e iniciativas en favor das persoas con diversidade funcional das comarcas de Bergantiños, Terra de Soneira e Fisterra. E agora, coa colaboración da cidadanía, queremos ir un paso máis alá. En Íntegro vimos de poñer en marcha un novidoso e ilusionante proxecto de crowdfunding para facer realidade un fermoso e moi ansiado soño: construír un xardín terapéutico adaptado para uso e gozo dos nosos usuarios/as, así como das persoas con diversidade funcional da Costa da Morte.

IMG_5670Con esta iniciativa, que conta co apoio da Fundación Develop e COGAMI, preténdese crear un novo espazo axardinado ao aire libre, deseñado especificamente para desenvolver e potenciar as capacidades e habilidades das persoas con disCapacidade, obtendo importantes beneficios físicos, psicolóxicos e sociais na súa vida diaria. A través das cores, dos aromas e das texturas poderemos estimular a memoria e a mente, mellorar a percepción do tempo, aumentar a autoestima e fomentar a actividade física. O xardín terapéutico tamén brindará a oportunidade de manter un contacto permanente coa natureza propiciando as relacións interpersoais e novas formas de expresión social.

Esta zona verde adaptada contará con sendeiros accesibles para persoas con mobilidade reducida, xardineiras a diferentes alturas e espazos habilitados para a realización de todo tipo de actividades. O mobiliario (bancos, macetas…) será construído en madeira polos usuarios e usuarias do obradoiro de carpintería do noso Centro de Recursos de Nantón ao igual que a plantación de herbas aromáticas, arbustos, céspede e outro tipo de árbores froiteiras.IMG-20160704-WA0020

Financiamento

Ao tratarse dun proxecto de crowdfunding, a súa viabilidade depende exclusivamente da colaboración solidaria e desinteresada da cidadanía. Trátase dun método de financiación colectiva xestionado integramente dende unha páxina web que colabora facendo posible a realización de proxectos sociais singulares e moi innovadores. As persoas que desexen contribuír a facer realidade este soño poderán participar, ata o vindeiro mes de setembro, con doazóns económicas (de 10 a 500 €, en función da capacidade de cadaquén) a través da páxina www.grupodevelop.com, apartado crowdfunding, proxecto Xardín terapéutico adaptado Asociación Íntegro. Para máis información tamén podes chamar ao 981 734. Esta vez a nosa terapia está nas túas mans. Non o dubides! Axúdanos a conseguilo! Contigo é posible!